Zer da Mondragon Components Competence Center?
MC3 Mondragon Components Competence Center etxeetan espezializatutako enpresa liderren eta globalizatuen talde baten I+G+Bko unitatea da.
MC3 Mondragon Components Competence Center-ek inprimaketa funtzionalean espezializatutako bigarren egoitza bat du Nafarroan.
Agente Zientifiko Teknologikoa
MC3 Mondragon Components Competence Center irabazi-asmorik gabeko erakunde pribatua da, Eusko Jaurlaritzak Zientzia eta Teknologia Agente Teknologiko gisa kreditatuta dago eta Zientzia, Teknologia eta Berrikuntzaren Euskal Sarean integratuta dago 2009. urtetik.
MC3 Mondragon Components Competence Center 2012an izendatu zuten onura publikoko erakunde (2012ko apirilaren 23ko EHAA), eta Zientzia eta Teknologia Ministerioan Berrikuntza Teknologikorako Laguntza Zentro gisa erregistratuta dago.
2020an, I+G+Bko Nafarroako Sistemaren (SINAI) barruan egiaztatutako enpresetako I+Gko lehen unitatea izan da (otsailaren 28ko 2E/2020 Foru Agindua), instalazio garrantzitsuak baititu Villatuertan duen bigarren egoitzan.
Bikaintasuna
ikerketan
MC3 Mondragon Components Competence Center-ek hainbat proiektutan -ikerketa publikoetan zein pribatuetan- parte hartu izanak ekarri du elektromagnetismoan, fluidikoan, termodinamikan, materialetan eta inprimaketa funtzionalean ezagutza handia izatea, baita diseinu eta fabrikazio elektronikoko teknologietan, komunikazioetan eta IKTetan ere.
MC3 Mondragon Components Competence Center-ek, bere enpresen garapen-taldeetako kide izateaz gain, zubi lana egiten du bere enpresen merkatu-produktuaren eta kolaboratzaile sare zabalaren zientzia eta teknologiaren artean.
MC3 Mondragon Components Competence Center-ek kalifikazio handiko giza taldea du (%77 goi-mailako tituludunak dira, eta heren batek doktoretzak ditu), eta esperientzia handia du ikerkuntzan eta ekipoen zuzendaritzan, gure bezeroen produktuen bilakaeran eta dibertsifikazio-ekimenetan eraginkortasunez laguntzen.
Egitura
Bazkideak
MC3 Mondragon Components Competence Center Mondragon Componentes-en, MONDRAGON Korporazioaren dibisioaren, I+G+b proiektuetan lankidetza bultzatzeko eta dinamizatzeko sortu zen.
Laguntzaile
sareak
MC3 Mondragon Components Competence Center-ek modu aktiboan lan egiten du hainbat erakunde eta organizazio publiko eta/edo pribaturekin, nazionalak zein nazioartekoak.
Zentro teknologikoak
Beste erakunde eta enpresa batzuk
Erakunde publikoak
Hauen partaide
Unibertsitateak
MONDRAGON Korporazioa 1956an sortutako kooperatiba-mugimenduaren emaitza da, urte horretan sortu baitzen izen horretako lehen industria-kooperatiba Gipuzkoako herri horretan. Enpresa-filosofia bere Balio Korporatiboetan jasota dago: Lankidetza, Parte-hartzea, Erantzukizun Soziala eta Berrikuntza.
MONDRAGON Korporazioa lau arlotan egituratzen da: Finantzak, Industria, Banaketa eta Ezagutza.
100 kooperatiba autonomo eta independente baino gehiagok osatzen dute, eta Euskadiko lehen enpresa-taldea eta Espainiako hamargarrena da.
Iraunkortasuna ardatz estrategikoa da MONDRAGON-entzat. Indarra jartzen dugu enplegu duin eta kalitatezkoan, laneko segurtasun eta osasunean, hezkuntzan, kontsumo arduratsuan, berrikuntzan trantsizio digital eta berdearentzako palanka gisa, eta azpiegitura eta ekimen sozial zein komunitarioak laguntzen.